Лоиҳаи USAID оид ба шаъну шараф ва ҳуқуқ дар Осиёи Марказӣ

31.07.2019

Лоиҳаи USAID оид ба шаъну шараф ва ҳуқуқ дар Осиёи Марказӣ, ки аз ҷониби Созмони байналмилалии муҳоҷират (СБМ) ва дар якҷоягӣ бо лоиҳаи башардӯстонаи Донишгоҳи Осиёи Марказӣ амалӣ мегардад, мубоҳисаи дурӯзаи миллиро дар бораи қочоқи инсон дар байни дастаҳои беҳтарини ҷавонон аз тамоми кишварҳо ташкил намуд.

Бахшида ба Рӯзи ҷаҳонии мубориза ба муқобили хариду фурӯши одамон, ки ҳамасола 30 июл ҷашн гирифта мешавад, мубоҳисаҳо ба баланд бардоштани огоҳӣ дар ҷомеаи Тоҷикистон дар бораи қочоқи инсон ва зарурати ҳифзи ҳуқуқҳои ҷабрдидагон равона карда шуда буданд.

Даври финалии мусобиқа 36 нафар хонандагони синфҳои болоӣ ва донишҷӯён аз Душанбе, Суғд, Бадахшон ва Хатлон. Ғолибони даври аввал дар сатҳи ноҳиявӣ тавассути мубоҳисаҳо дар бораи меҳнати кӯдакон ва манфиатҳои кӯдакон, афзалиятҳо ва хатарҳои муҳоҷират ва ҳуқуқҳои муҳоҷирон рақобат карданд.

«Ин озмун ба ширкаткунандагони ҷавон имконият фароҳам меорад, то дарки хариду фурӯши одамон ва дар маҷмӯъ мушкилиҳои муҳоҷирати ҷаҳонро инъикос кунанд. Дар ҳар як давр мо дидем, ки иштирокчиёни ҷавон дар мубоҳисаҳо дар бораи мушкилоти шаъну шарафи инсон ва инчунин хатари қочоқи инсон ва муҳоҷирати ғайриқонунӣ огоҳӣ пайдо мекунанд.

Мубоҳисаҳо машқҳои муассир мебошанд: онҳо на танҳо қобилияти тафаккури интиқодӣ ва суханронии оммаро такмил медиҳанд, балки инчунин ба рушди малакаҳои ҳаёт кӯмак мекунанд ва ҳамин тариқ ҷавононро ба зиндагӣ дар маҷмӯъ омода мекунанд. Мубоҳисаҳо бо забони англисӣ баргузор мешаванд, то иштироккунандагон низ малакаҳои забони англисии худро таҷриба ва рушд диҳанд ”гуфт Кристина Георге Транка, роҳбари миссия (СБМ) Тоҷикистон.

Мубориза бо хариду фурӯши одамон як ҷузъи ваколати асосии СБМ мебошад. Тақрибан дар ду даҳсола СБМ ба Ҳукумати Ҷумҳурии Тоҷикистон дар таҳияи заминаи қонунгузорӣ ва тавонмандӣ дар мубориза алайҳи хариду фурӯши одамон, ҳимояи қурбониён ва таъқиби одамҷаллобон кӯмак расонд.

Лоиҳаи Шаъну шараф дар Осиёи Марказӣ огоҳӣ дар бораи ҳуқуқи инсон ва алалхусус ҳуқуқҳои муҳоҷиронро баланд мебардорад ва ба ҷомеаи шаҳрвандӣ дар минтақа имконият медиҳад, ки дар самти дастгирии ҳуқуқҳои муҳоҷирон, муҳоҷирони эҳтимолӣ ва оилаҳои онҳо ва шаъну шарафи мардум дар Осиёи Марказӣ амал кунанд.

Возврат к списку